Astananyń jańa temirjol vokzaly 2017 jyly ashylady

ASTANA. QazAqparat - 2017 jyly paıdalanýǵa beriletin Astananyń jańa temirjol vokzalynyń bıyl qurylysy bastaldy. Bul týraly búgin Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa mınıstri Jeńis Qasymbek málim etti.

"Jyl saıyn Astana arqyly júretin jolaýshylar sany artyp keledi. Qazirgi vokzal óziniń qýatynan 30 paıyzǵa artyq jolaýshylardy qabyldap otyr. Sondyqtan "Qazaqstan temirjoly" kompanııasy táýligine 35 myń jolaýshyny qabyldaýǵa qaýqarly jańa vokzaldyń qurylysyn bastady. Bizdiń josparymyz boıynsha EKSPO-ǵa enetin bul nysan 2017 jyly paıdalanýǵa beriledi", - dep atap ótti ol.