Astananyń jańa mektepterindegi stomatologııalyq kabınetter tolyq kóleminde paıdalanylmaı otyr - Á.Bımendına
TANA. 23 tamyz. QazAqparat /Gúlmıra Alıakparova/ - Astananyń jańa mektepterindegi stomatologııalyq kabınetter tolyq kólem3yde paıdalanylmaı otyr.
Bul týraly búgin bilim qyzmetkerleriniń tamyz keńesinde Bilim basqarmasynyń bastyǵy Ásıma Bımendına málim etti.
Elorda pedagogtarynyń aldynda baıandama jasaǵan Á.Bımendına, oqýshylardyń syrqattanýynyń statıstıkalyq málimeti kóńil kónshitpeıtinin atap ótti.
«Dıspanserlik esepte barlyǵy 12 myń 280 bala tur. Birinshi kezekte nerv júıesiniń syrqattary tur, odan keıin tynys alý organdary jáne qan aýrýlary keledi. Bul málimet eń aldymen, ata-analarda alańdaýshylyq týdyrýy tıis. Árıne, balalar bilim mekemelerindegi medıtsına qyzmetkerleriniń udaıy jiti baqylaýynda júredi. Biraq, mektep qabyrǵasynda bilikti medıtsınalyq kómek kórsetýge olardyń múmkindikteri joq», - dedi ol.
Sondaı-aq, Bilim basqarmasynyń bastyǵy, medıtsınalyq qyzmetkerlerdiń shtatyn Densaýlyq saqtaý mınıstrligine berý máselesin kóterdi.
«Qazir medıtsınalyq qyzmetkerlerdi mektep dırektorlary taǵaıyndaıdy. Biraq medıtsınalyq qyzmetkerlerdiń biliktilik deńgeıin, olardyń bilimi zaman talabyna sáıkes keletin, kelmeıtindigin mektep dırektoryna anyqtaý qıyn. Mysalǵa, normatıvtir qujattarda kórsetilgen shtattyq birlikter mekteptiń shtattyq kestesinde qarastyrylmaǵandyqtan, jańa mektepterdegi stomatologııalyq kabınetter tolyq kólem3yde paıdalanylmaı otyr», - dep atap ótti Á. Bımendına.
