Astananyń úzdik ustazdary marapattaldy
ASTANA. 20 tamyz. QazAqparat - Búgin Astanadaǵy Mahambet Ótemisuly atyndaǵy Oqýshylar saraıynda jyl saıynǵy «Juldyzdy shashý» festıvali ótti. Onyń aıasynda elordanyń úzdik pedagogtary marapattaldy.
Atap aıtqanda, pedagogıkalyq eńbektiń ardageri Alma Temirbaeva, Astana polıtehnıkalyq kolledjiniń dırektory Vıktor Starýnov, balalar jáne jasóspirimder ortalyǵynyń dırektory Nurlan Tájenov, onyń taǵy bir áriptesi Baqyt Marzaǵalıeva, «№2 medıtsınalyq-pedagogıkalyq keńes berý» memlekettik mekemesiniń meńgerýshisi Gúlnar Ábildınova jáne daryndy balalarǵa arnalǵan № 9 «Zerde» mektebiniń matematıka pániniń muǵalimi Kúshaı Terdikbaıdyń aty «Astanadaǵy bilim berýdiń altyn qory» kitabyna jazylsa, taǵy 27 pedagog QR Bilim jáne ǵylym mınıstrliginiń qurmet jáne alǵys hattarymen marapattaldy.
