Astananyń úzdik ustazdary Qurmet gramotalarymen marapattaldy (FOTO)
ASTANA. QazAqparat - Búgin M.Ótemisov atyndaǵy Oqýshylar saraıynyń kontsert zalynda «Juldyzdy shashý» atty ustazdarǵa qurmet kórsetý rásimi ótti.
Sharada ótken jyldyń qorytyndylary boıynsha elordanyń úzdik muǵalimderi atap ótildi, dep habarlaıdy astana.gov.kz.
Saltanatty rásimdi quttyqtaý sózimen ashqan Astana qalalyq bilim basqarmasy basshysynyń orynbasary Qasymhan Senǵazyev pedagogtarǵa Qazaqstan Respýblıkasy Bilim jáne ǵylym mınıstrligi men elordalyq bilim basqarmasynyń Qurmet gramotalaryn tabystady.
Budan basqa, Astanadaǵy № 54 jáne № 38 mektepterdiń dırektorlarynyń esimderi «Astana bilim salasynyń altyn qory» tizimine engizildi.
«Meniń tegimniń «Astana bilim salasynyń altyn qoryna» kirgizilgeni kútpegen syılyq edi. Bul azdaǵan eńbegimniń jemisi bolar. Eńbek jolymdy aýylda bastadym. Qazirgi kezde eńbek ótilim 40 jyldan asty. Mektep basqaryp júrgenime 10 jyl boldy. Barlyǵyn kele jatqan merekelermen quttyqtap, tek jaqsylyqty tileımin», - dep atap ótti № 54 mekteptiń dırektory Ǵalııash Ámrına.
