«Astananyń» úzdik shabýylshysy 1,5 mln eýro úshin klýbtan ketti
NUR-SULTAN. QazAqparat - Kongolyq fýtbolshy Jýnıor Kabananga «Astana» fýtbol klýbymen resmı túrde qoshtasty, dep habarlaıdy «QazAqparat» HAA Sports.kz-ke silteme jasap.
Aıta keteıik, afrıkalyq fýtbolshy Qazaqstan astanasynyń klýbyna 2018 jyldyń jaz aıynan bastap jalǵa alý quqyǵymen kelgen bolatyn. Budan bólek Jýnıor Kabananga Saýd Arabııasynyń «Al-Nasr» (Rıad) klýbymen 2020 jyldyń maýsym aıyna deıin kelisim jasasqan. Kongo demokratııalyq respýblıkasynyń ulttyq quramasynyń shabýylshysy «Astanadan» shyǵaryldy.
KPL-2019 týrnıri aıasynda Kabananga 12 oıynǵa qatysyp, 2 ret gol soqty. Qazirgi ýaqytta Transfermarkt bul fýtbolshyny 1,5 mıllıon eýroǵa baǵalap otyr.
