Astananyń úzdik muǵalimderi páterli boldy
ASTANA. QazAqparat - Elorda ákimi Áset Isekeshev úzdik muǵalimder men tárbıeshilerge páer kiltterin tabystady, dep habarlaıdy QazAqparat.
Sonymen, Astana bilim berý qyzmetkerleriniń dástúrli tamyz keńesi barysynda № 37 «Arman» balabaqshasynyń joǵary sanatty tárbıeshisi Gúlzamıra Orazbaeva, №38 «Shattyq» balabaqshasynyń tárbıeshisi Sánııash Jıentaeva páterli boldy.
Budan bólek, №1 mektep-lıtseıi bastaýysh synybynyń ustazy Nadejda Pısarevaǵa, №32 mektep-gımnazııasynyń psıhology Olga Abramova, № 48 mektep-lıtseıiniń ınformatıka muǵalimi Qamajaı Ibraıymovaǵa, №65 mektep-gınazııasynyń sýrdopedagogy Raýan Baqytqa, elordalyq Kásiptik-tehnıkalyq kolledjdiń óndiristik oqytý sheberi Álimjan Qaraǵojınge, astanalyq tehnıkalyq kolledjdiń tarıh páninen ustazy Elmıra Qadyrovaǵa, Balalar men jasóspirimderdiń týrızm jáne ólketaný ortalyǵynyń qosymsha bilim berý pedagogy Bıbigúl Isabaevaǵa, sondaı-aq basqa da úzdik ustazdarǵa páter kilti tabystaldy.
Munymen qosa, óz qyzmetinde jaqsy jaǵynan kóringen muǵalimder gramotalarmen jáne alǵys hattarmen marapattaldy.
