Astananyń úsh turǵyny Malaızııadaǵy shottardan 5 mln teńge urlaǵan
ASTANA. QazAqparat - Astana qalalyq ishki ister basqarmasynyń ókilderi Malaızııa azamattarynyń shottarynan POS-termınal arqyly qarjyny qoldy etken úsh Astana turǵynyna qatysty qylmystyq istiń óndirisin toqtatty. Bul týraly Astana prokýratýrasynyń baspasóz qyzmeti habarlaıdy.
«Qylmystyq áreketterdiń saldarynan keltirilgen shyǵyn 5 mln teńgeden asty. 2016 jyldyń 21 jeltoqsanynda qylmystyq is qaraý úshin Astana qalasynyń №2 Esil aýdandyq sotyna joldandy»,-delingen habarlamada.
Quqyq qorǵaý organynyń ókilderi azamattardy saq bolýǵa shaqyrdy. Jalǵan SMS-habarlamalar taratý arqyly qarjy jymqyrý áreketteri 10 jyl buryn paıda bolǵan bolsa, búginde mundaı tásilder sany óte kóp.
Alaıaqtar Qazaqstan bankteriniń klıentteri bolyp tabylatyn azamattardyń qarjylaryn qoldy etip qana qoımaı, jańa tehnologııalardy qoldana otyryp, sheteldik banketrdiń esepterinen de qarjy jymqyrýda.
