Astananyń úlken aınalma jolyndaǵy temirjol ótkeli kúrdeli jóndeýden ótti

ASTANA. QazAqparat – Elordada úlken aınalma joldaǵy temirjol ótkeline kúrdeli jóndeý jumysy júrgizildi. Jańartylǵan jol ótkeli iske qosylsa, qaladaǵy kólik qozǵalysy ájeptáýir jeńildeıdi dep josparlanǵan, dep habarlaıdy QazAqparat tilshisi.

«Astanadaǵy úlken aınalma jolynyń 4-shaqyrymyndaǵy temirjol arqyly ótetin ótkelde kúrdeli jóndeý jumystary tolyǵymen aıaqtaldy. Byltyr bul ótkel apatty dep tanylǵan edi. Bir jyl ishinde jobalyq-smetalyq qujattamany daıyndap, ótkel qurylysyn aıaqtadyq. Jol ótkeli jańadan salynyp, qurylymdary nyǵaıa tústi. Ótkel 4 jolaqtan turady. Úlken aınalma joly ótkeli arqyly kólik qozǵalysynyń boljamdy qarqyny táýligine - 19-20 myń», - degene jaýap keldi «QazAvtoJol» kompanııasynan QazAqparat agenttigi joldaǵan saýalǵa.

Ulttyq kompanııa usynǵan málimetke sáıkes, kúrdeli jóndeý jumystarynyń nátıjesinde R-10 tasjolynyń ótkizý qabileti artyp, kólikter men poıyzdardyń qozǵalys qaýipsizdigin qamtamasyz etpek.

Aıta ketsek, elorda ákimdiginiń habarlaýynsha, osy aınalma jol iske qosylsa, qala ishindegi keptelis, jol irkilisi sheshimin tappaq.

Buǵan deıin «QazAvtoJol» ulttyq kompanııasynyń jumysyna salǵyrt qaraǵan 5 merdiger kompanııamen kelisimshartty úzgeni týraly habarlaǵan edik.