«Astananyń» ÝEFA reıtıngindegi orny joǵarylady
ASTANA. QazAqparat - Keshe «Astana» fýtbol klýby Eýropa lıgasynyń toptyq kezeńine joldama aldy. Bul elordalyq ujymnyń bedelin arttyra tústi, dep habarlaıdy Sports.kz.
Kıprdiń APOEL komandasymen oınaǵan elordalyqtar negizgi ýaqytynda 1:0 esebimen jeńdi. Nıkosııada ótken oıynda APOEL de dál osy eseppen jeńgendikten, qosymsha eki taım belgilendi. Onda da gol soǵylmaı, komandalar jeńimpazdy penaltıler serııasy arqyly anyqtady. Fýtbol lotereıasynda sáttilik astanalyqtar jaǵynda boldy.
Osy jeńistiń arqasynda «Astana» ÝEFA reıtınginde bir satyǵa joǵarylap, 54-orynǵa ornalasty.
«Astanada» qazir 24,500 upaı bar, bul kórsetkishpen ol reıtıngtegi ornyn Shve ıtsarııanyń ıAng Boız jáne Polshanyń «Legııa» komandalarymen bólisip tur.
Eýropa lıgasy toptyq kezeńiniń jerebe tartý rásimi búgin ótedi.
