Astananyń tynys-tirshiliginen habardar etetin jańa aqparattyq saıt iske qosylady
ASTANA. QazAqparat - Astananyń tynys-tirshiliginen habar beretin jańa aqparattyq saıt iske qosylady. Bul jaıynda ¬«Elorda Aqparat» atty jańa medıa-resýrstyń basshysy Qaısar Jumabaıuly óziniń Feısbýktegi paraqshasynda jazdy, dep habarlaıdy QazAqparat.
«Qurmetti dostar! Jyly lebizderińiz ben qoldaýlaryńyzǵa kóp rahmet! "Astana aqshamy" JShS bazasynda ¬«Elorda Aqparat» ataýymen jańa medıa-resýrs jumysyn bastaǵanyn habarlaǵym (əri naqtylaı ketkim) keledi. Ony basqarý maǵan senip tapsyryldy. Ol qandaı bolady? Birinshi, elordanyń ózindik tarıhy bar qos gazeti - «Astana Aqshamy» jəne «Vechernıaıa Astana» medıa-resýrstyń quramynda jumys isteıtin bolady (bul basylymdardy qaıta jańǵyrtýdy josparlap otyrmyz). Ekinshi, elordanyń damýyna qatysty anaǵurlym ózekti məseleler, tyń ıdeıalar, bastamalar men jobalar talqylanyp, júıelenetin kommýnıkatsııalyq alań retinde "Qalalyq sheshimder bıýrosy" iske qosyldy. Úshinshi - ınternet-resýrstar. Qalalyq basylymdardyń resmı saıttaryn zaman talabyna saı jańartý jumystary kútip tur. Sonymen qatar Qazaqstannyń bas qalasynyń ómirine qatysty jedel əri ózekti aqparattardyń derekkózine aınalatyn jańa aqparattyq saıtty iske qosý josparlanyp otyr. Osylaısha biz aqparattyq-kommýnıkatsııalyq qyzmetti kúsheıtip, aqparat taratý jáne keri baılanys arnasyn keńeıtkimiz keledi», - dep jazdy Qaısar Jumabaıuly.
