Astananyń týrızm jáne sport basqarmasy halyqaralyq júldeniń ıegeri atandy
ASTANA. Aqpannyń 3-i. QazAqparat - Astana qalasynyń týrızm jáne sport basqarmasy «Editorial office» baspa toby men «Trade leaders club» (Saýda-sattyq kóshbasshylarynyń klýby) klýby birlesip taǵaıyndaǵan XXXV «Týrızm, qonaqúı isi jáne gastronomııa» halyqaralyq júldesiniń ıegeri atandy.
Basqarmanyń baspasóz qyzmetinen habarlaǵandaı, ótken jyldyń qazan aıynda respýblıka elordasynda ótken BUU janyndaǵy Dúnıejúzilik týrıstik uıym Bas Assambleıasynyń XVIII sessııasyna qatysýshy sheteldik qonaqtar qazaqtyń qonaqjaılyǵyn laıyqty baǵalady.
Bul syılyqty tabys etýshi - álemniń 120-dan astam eliniń bıznes-uıymdaryn, óndirýshileri men qyzmet provaıderlerin biriktirip otyrǵan «Trade leaders club» klýby. Syılyqtyń 35 jyldyǵy qurmetine bıyl ol «Týrızm, qonaqúı isi jáne gastronomııa» XXXV Altyn júldesi dep atalady. Marapattaý rásimi qańtardyń 19-y men 21-i aralyǵynda Madrıdte ótti jáne ol FITUR-2010 týrızm jónindegi halyqaralyq kórmeniń uıymdastyrylý merzimimen qatar keldi.
