Astananyń týrıstik sımvoly 142 jobanyń arasynan tańdalady
ASTANA. QazAqparat - Astana qalasynyń týrıstik sımvoly jobasynyń úzdik nobaı-ıdeıasyna jarııalanǵan ashyq Respýblıkalyq baıqaýǵa qatysýǵa ótinishterdi qabyldaý aıaqtaldy, dep habarlaıdy QazAqparat elorda ákimdigine silteme jasap.
Atalǵan baıqaýdyń maqsaty - Astananyń týrıstik sımvolyna aınalatyn dızaınerlik jobany anyqtaý.
«Sımvol, belgi (brend) qalanyń statýsyn, onyń týrıstik tartymdylyǵyn, kórikti oryndaryn, landshaftynyń ereksheligin jáne tarıhyn jetkizýge tıis. Atalǵan baıqaýǵa qatysý úshin 142 ótinish tirkeldi», - dep málim etti baspasóz qyzmetinen.
Materıaldary bar konvertterdi ashqan soń baıqaýdyń qazylar alqasy jobanyń 10 úzdik nobaı-ıdeıasyn irikteıtin bolady. Jeńimpazdar onlaın-daýys berýdiń nátıjesinde anyqtalady.
Baıqaý qorytyndysy aqpannyń alǵashqy onkúndiginde shyǵarylady.
