Astananyń týrıstik nyshanyna aınalatyn eskızge ashyq baıqaý jarııalandy

Baıqaýdyń úıymdastyrýshysy - Astana qalasynyń ákimdigi. Baıqaý bas qalanyń eń ádemi týrıstik nyshanyna aınalatyn úzdik ári biregeı jasalǵan nobaıyn anyqtaý maqsatynda ótkizilmek.

Astana 14 jyl ishinde kórkeıip, gúldendi. Reńsiz, jabyq qaladan, kórkimen kóz jaýyn alatyn álemdik shaharlardyń birine aınaldy.

«Endi, «Biz týrısterdi taǵy qandaı qyzyqtarmen tańǵaldyra alamyz?» - degendi de oılaý qajet. Mysalǵa, Londonǵa barǵan týrıster shynaıy ómirde bolmaǵan Sherlı Holmstyń murajaıyna qaraı aǵylyp jatady. Ǵulama Konfýtsııdiń: «Álemdi tańbalar men nyshandar basqarady...» degen naqyl sózi beker aıtylmasa kerek. Atalǵan zańdylyqty, marketıng pen jarnama salasynyń mamandary áldeqashan saılap alǵan, týrızm salasy úshin de - aıqyn mysal», - delingen uıymdastyrýshylardyń aqparatynda.

Baıqaýǵa jeke jáne zańdy tulǵalar qatysa alady. Sondaı-aq jas shamasyna baılanysty, kásibı jáne basqa da shekteýler qoıylmaıdy.

Baıqaý materıaldaryn qabyldaý 2012 jyldyń 7 mamyrynan 25 maýsymyna deıin júrgiziledi. Jeńimpazdar 2012 jyldyń 6 shildesine deıin (І-ІІ jáne ІІІ oryndar) anyqtalady. Bas júlde ıelengen jeńimpazdyń joba-eskızine maket daıyndalyp, avtor týraly jarnamalyq býklet shyǵarylady. Jeńimpazdardyń barlyǵyna dıplomdar men aqshalaı syılyqtar tabystalady.