Astananyń týrıstik nyshanyn anyqtaýǵa jobalar qabyldanyp jatyr
ASTANA. 6 qazan. QazAqparat - Astananyń týrıstik nyshanyn anyqtaý boıynsha júrgizilip jatqan baıqaý jurtshylyq arasynda úlken qyzyǵýshylyq týdyrdy.
Elorda ákimdiginiń málimetinshe, oǵan qatysý úshin sýretshiler men dızaınerler elimizdiń túkpir-túkpirinen ótinishterin jibere bastaǵan. Astana, Almaty, Óskemen, Qyzylorda, Taraz, Aqtaý, Semeı, Qaraǵandy qalasynan kelip túsken úlgiler jeterlik. Tipti shet memleketter de elordanyń qaıtalanbas sımvolyn daıyndaýǵa atsalysyp jatyr. Rıga qalasynan kelgen ótinim osynyń dáleli bolsa kerek.
Búgingi kúni baıqaý uıymdastyrýshylarynyń qorjynynda 50-den astam joba bar. Olardyń sany kún sanap artyp keledi. Esterińizge sala keteıik, bul baıqaý qala kúnine oraı, qala basshylyǵynyń muryndyq bolýymen uıymdastyrylǵan edi. Alaıda kelip túsken jobalardyń sanyn ǵana emes, sapasyn arttyrý maqsatynda bul shara jyl sońyna deıin uzartyldy.
