Astananyń turǵyndary men qonaqtary ǵarysh kójesimen jáne kofesimen tanysady - «Nazarbaev ortalyǵyndaǵy» kórme

ASTANA. 9 sáýir. QazAqparat - Búgin Astanadaǵy «Nazarbaev ortylyǵynda» ashylǵan «Qazaqstan - ǵarysh aılaǵy» atty kórmede Astananyń turǵyndary men qonaqtary ǵarysh kójesimen, kofesimen jáne basqa da kóptegen qyzyqty dúnıelermen tanysady.

Kórmede ǵaryshqa eń alǵash ushqan adam - ıÝrıı Gagarınnen bastap, qazaqstandyq ǵaryshkerler Toqtar Áýbákirov pen Talǵat Musabaev týraly materıaldar, olardyń ǵaryshtyq kıimderi, ǵaryshkerlerdiń ishetin tamaqtary qoıylǵan.

Kórmeniń ashylýyna qatysqan RF jáne QR ǵaryshker-ushqyshy, Qazaqstan avıatsııasynyń general-leıtenanty, QR Ulttyq ǵarysh agenttiginiń tóraǵasy Talǵat Musabaev óziniń mamandyǵyn maqtan tutatynyn aıta kelip: «1961 jyldyń 12 sáýirinde ǵaryshqa ıÝrıı Gagarın ushqanyn mektepte estigen kezimizde, barlyq balalar «Men - Gagarınmin!» dep aıǵaılady. Al men «Ǵaryshta - Talǵat Musabaev!» - dep daýystadym. Sóıtip, 33 jyldan keıin meniń armanym oryndaldy. Alaıda oǵan jetý úshin aıanbaı ter tóktim. Qazir Qazaqstannyń Ulttyq ǵarysh agenttigin basqaryp otyrǵanyma qýanyshtymyn. Keńes kezindegi jáne Reseıdegi ǵaryshkerler qatarynda júrip jınaǵan tájirıbemdi qoldana otyryp, elimizge paıdamdy tıgizsem deımin. Nátıje jaman emes dep oılaımyn», - dep atap ótti.

Atalmysh shara Halyqaralyq ǵarysh kúnine oraılastyrylyp otyr jáne aǵymdaǵy jyldyń 14 sáýirine deıin jalǵasady.