Astananyń Turan dańǵylynda shekti jyldamdyq 60 km/saǵ deıin tómendetildi
NUR-SULTAN. QazAqparat - Nur-Sultan qalasynyń Turan dańǵylynda jyldamdyq shekteýi ózgertildi, dep habarlaıdy QazAqparat.
Bul jaıynda qalalyq City Transportation Systems kompanııasy resmı málimet taratty.
Oǵan sáıkes Turan dańǵylynyń boıynda Kereı-Jánibek handar kóshesinen Uly dala dańǵylyna deıingi eki baǵyttaǵy ýchaskede jyldamdyq 80-nen 60 km/saǵ deıin tómendetilgen.
Jyldamdyq shekteýindegi ózgerister 2021 jyldyń 8 qazanynda saǵat 00.00-den bastaldy.
«Biz elorda turǵyndary men qonaqtaryna asa muqııat bolýdy jáne Qazaqstan Respýblıkasynyń jol qozǵalysy erejeleriniń talaptaryn basshylyqqa ala otyryp kólik júrgizýdi ótinemiz» dep eskertedi kólik kompanııasynan.
