Astananyń turaqtandyrý qory jańa azyq-túlikpen tolyǵady
ASTANA. QazAqparat - Astana qalasynyń turaqtandyrý qory jańa azyq-túlik ónimderimen tolyǵady, dep habarlaıdy Astana qalasy ákimdiginiń resmı saıty.
Astananyń turaqtandyrý qory áleýmettik mańyzy bar ónimderdi satyp alýdy jalǵastyrady. Búginde onda qant, kúrish jáne qaraqumyq qory bar. Odan bólek maýsymdyq kókónister paıda bolýy múmkin.
«Azyq-túlik ónimderiniń qandaı túrin alý kerektigin ákimdiktegi komıssııa sheshedi. Jýyq arada komıssııanyń oyrysy ótedi, sonda qandaı ónimderdi alý kerektigi sheshiledi. Turaqtandyrý qoryna maýsymdyq kókónisterdi de alý josparlanýda. Barlyq ónimder elimizdegi iri ónim óndirýshilerden satyp alynady. Olarǵa qoıylatyn basty talap, taýardy ýaqytyly jetkizý jáne sapa», - dedi «Astana» «Áleýmettik kásipkerlik korporatsııa» AQ tóraǵasynyń orynbasary Dosbol Kósherbaev.
Aıta keteıik, búgingi tańda astanalyq turaqtandyrý qorynda 717 tonna qant, 70 tonna kúrish jáne 39 tonna qaraqumyq saqtalǵan. Esterińizge sala keteıik, turaqtandyrý qory 2011 jyldan bastap jumys isteýde. Satyp alynatyn azyq-túlik taýarlarynyń naqty tizbesi boıynsha memleket qarjy bóledi. «Astana» «Áleýmettik-kásipkerlik korporatsııa» AQ taýardy belgili baǵada satyp alyp, saqtaýǵa qoıady. Ary qaraı ákimdik sheshimimen taýar túrleri qala bazarlaryna naryqtaǵy baǵadan tómen baǵamen shyǵarylady.
