Astananyń «Túngi sottary» kúnine 27 isti qaraıdy
ASTANA. QazAqparat - Astana qalasynyń mamandandyrylǵan aýdanaralyq ákimshilik soty «Túngi sot» ilki jobasy aıasynda kúnine 27 isti qaraıdy, dep habarlaıdy QazAqparat tilshisi.
«Túngi sot» pılottyq jobasy aıasynda atalmysh sotta maýsym aıynyń basynan beri kólik quralynyń zaqymdanýyna ákep soqqan jol júrý erejesiniń buzylýyna baılanysty 382 materıal qaralǵan. Sondaı-aq, jábirlenýshiler tarapynan túngi sottarǵa qatysqandardyń sany 413 adamdy quraǵan.
«Búgingi tańda «Túngi sot» jobasy aıasynda ortasha eseppen kúnine 27 materıal qaralyp jatyr», - delingen Astana qalasynyń mamandandyrylǵan aýdanaralyq ákimshilik sotynyń habarlamasynda.
Jobany búgingi tańda azamattar, saqtandyrý kompanııalary men ákimshilik polıtsııa ókilderi qoldap otyr. Olardyń aıtýynsha, «Túngi sot» jol-kólik oqıǵasyna qatysýshy taraptar úshin óte yńǵaıly. Sebebi, bul bir jaǵynan ýaqytty únemdeýge, ekinshiden taraptardyń jaýapkershiligi máselesin tezirek sheshýge múmkindik beredi.
