Astananyń túngi aspanynda bolǵan «jaryq shoýynyń» sebebi anyqtaldy
ASTANA. 14 aqpan. QazAqparat - Álemdik BAQ-tardyń habarlaýynsha, ótken juma, 11 aqpan kúni baıqalǵan kún belsendiliginiń qýatty ańǵarylýynyń sebebi - kúnniń kózinde bolǵan ózgerister, ıaǵnı plazmalar men koronaldy salmaqtardyń laqtyrylýy boldy.
11 aqpan kúni Astananyń túngi aspanynda baıqalǵan erekshe «jaryq shoýynyń» sebebi osy bolýy múmkin. Eske salsaq, Qazaqstan astanasynyń ońtústik-shyǵys bóliginiń turǵyndary juma kúni, saǵat shamamen 21.30-dan 23-ke deıin túngi aspanda bir-birine jaqyn ornalasqan jaryq, keń emes paralleldi jolaqtardy tamashalaı aldy. Jáne jolaqtardyń sany óte kóp boldy. Vertıkaldi jolaqtar kezek-kezegimen baıaý óship jatty.
AQSh-tyń Teńiz jáne atmosferalyq zertteýler ulttyq basqarmasynyń málim etkendeı, olardyń esepteri boıynsha bul qubylysty dál búgin - áýlıe Valentın kúni Shvetsııa, Norvegııa jáne Islandııa elderiniń halqy tamashalaı alady.
