Astananyń týǵan kúni «Astana-Arena» alańynda Qazaqstan jáne shet el juldyzdarynyń qatysýymen ótken gala-kontsertpen qorytyndylandy
ASTANA. Shildeniń 7-si. QazAqparat /Gúlmıra Álıakparova/ - Keshe, shildeniń 6-sy kúni elimizdiń bas qalasyndaǵy «Astana-Arena» alańynda Astana kúni merekesin qorytyndylaǵan «Asqaqataı ber, Astana!» atty gala-kontsert ótti.
Elordalyqtar men qala qonaqtaryna lyq tolǵan alyp ǵımaratta tórt saǵat boıy qazaqstandyq, reseılik jáne shet el estrada juldyzdary óner kórsetti. Tanymal juldyzdardyń qatysýymen ótetin ǵajaıyp gala-kontsertter Qala kúnine oraı alǵash uıymdastyrylyp otyrmaǵanymen, ol jyldan jylǵa áserli ótip, kópke deıin kórermenderdiń esinde qalýda.
Bul joly Astanany 12 jyldyǵymen quttyqtaýǵa qazaqstandyq ánshilermen qatar, Sergeı Lazarev, «Gorod 312», «In-ıAn», «A'Stýdıo", r&b Ne-Yo jáne «Morandi» toptary keldi.
Týǵan kúnge qur alaqan kelmegen juldyzdar, Astana tórinde buryn-sońdy oryndalmaǵan jańa ánderin oryndady. Mysalǵa, hıt-paradtardyń kóshbasshysy «Morandi» toby «Rock the world» ánin shyrqady.
«Bul eksklıýzıvti kontsert bolady. Bul ánder buǵan deıin eshbir elde shyrqalmaǵan», - dep atap ótken bolatyn gala-kontsertten birneshe saǵat buryn jýrnalısterge bergen suhbatynda top músheleri Marıýs Moga jáne Andreı Ropchea-Randı.
Olar Las-Vegasqa uqsaǵan jańa Astanany Almatyǵa qaraǵanda jandaryna jaqyn kóretinin aıtyp, elordaǵa qarqyndy damý men álemdik deńgeıdegi astanaǵa aınalý tilekterin bildirdi.
