Astananyń tergeý ızolıatorynda «Qazavtojoldyń» eks-basshysy asylyp qaldy
«Qazavtojol» mekemesiniń Batys Qazaqstan oblystyq fılıalynyń burynǵy dırektory Ədil Nyǵmetov iri kólemde para berdi dep 3 jylǵa sottalǵan bolatyn.
Nyǵmetov Astanadaǵy tergeý ızolıatorynda asylyp qalǵan. Sýıtsıdke barýynyń sebebi áli belgisiz.
«Óz ózine qol jumsaý faktisin rastaımyz. Sotqa deıingi tergep-tekserýlerdiń biryńǵaı tiziliminde tirkeldi. Tıisti organdar tekserý jumystaryn júrgizip jatyr. Sottalǵan tergeý ızolıatorynda sharýashylyq jumystaryn atqaryp júrgen. Ólim aldyndaǵy hatty qalǵan joq», - dedi Qylmystyq-atqarý júıesi komıtetiniń baspasóz qyzmetkeri Aǵylaı Turlanova.
Esterińizge salsaq, «Qazavtojoldyń» basshylary men aımaq fılıaldary basshylarynan quralǵan 20 ókili iri kólemde para berý deregimen ustalǵan edi. Solardyń arasynda Ádil Nyǵmetov te bar. Olar bıýdjet qarjysyn ıgerýdegi quıturqylyqtaryn jabý úshin Esep komıtetiniń 2 qyzmetkerine 16 mıllıon teńge para bermekshi bolǵan. Aqyrynda Nyǵmetov 3 jylǵa qamaldy. Alaıda, ózin kinásizdigin dáleldemek bolǵan ol apellıatsııalyq shaǵym túsirgenimen, úkim ózgerissiz qalǵan. Sóıtip, ol tergeý ızolıatoryna jabylyp, sońǵy kassatsııalyq sotty kútip jatqan bolatyn.