Astananyń tártip saqshylary elordada páter tonaýmen aınalysyp júrgen gastrolerlerdi ustady

dep habarlaıdy QazAqparat.

Qalalyq Іshki ister departamentiniń Krımınaldyq polıtsııa basqarmasy bastyǵynyń orynbasary Hasan Chýnchalınovtyń aıtýynsha, qylmystyq toptyń quramynda barlyǵy 6 adam bolǵan jáne olardyń barlyǵy da Qyzylorda oblysynyń turǵyndary bolyp shyqty. Osy ýaqytta qylmystyq toptyń ótken jyldyń kúzinen beri jasaǵan 28 páter tonaý áreketteri dáleldendi. «Qylmystyq top negizinen «Shubar», «Kóktal», «Energetık», «Komsomolskıı» sııaqty aýdandardaǵy jeke sektordaǵy turǵyn úılerdi tonaǵan. Olar qorǵanys sharalary álsiz úılerdi tańdap, jymysqy áreketterin negizinen túngi mezgilderde júzege asyryp júrgen. «Tártip saqshylary qylmystyq top ókilderin olar jaldap turyp jatqan páterge kórshiles turatyn áıeldiń arqasynda qolǵa túsirdi. Únemi erte ketip kesh keletin jastardyń áreketterine kúmámdanǵan kórshi kórshi áıel polıtsııa organdaryna telefon shaldy. Tergeý amaldarynyń nátıjeleri atalmysh top ókilderiniń elordaǵa aıyna bir ret kelip, aptasyna úsh páter tonaıtyndyǵyn kórsetti. Ár páterdi urylar nebári 10-15 mınýttyń ishinde jym-jylas etip júrgen. Al urlanǵan zattardy olar lombardtarǵa ótkizgen. Keıbir áshekeılik zattardy jaqyndaryna syılaǵan. Qazirgi tańda qylmystyq top ókilderi ýaqytsha ustaý oqshaýlaǵyshyna jabylyp, qylmystyq is qozǵaldy. Olardyń qylmystary dáleldense, 10 jylǵa deıingi aralyqta bas bostandyqtarynan aıyrylady», dedi basqarma bastyǵynyń orynbasary.