Astananyń taǵy eki kóshesine birjaqty qozǵalys engiziledi
ASTANA. QazAqparat - 20 tamyzda uzyndyǵy 0,99 shaqyrymdy quraıtyn (Abaı dańǵylynan Respýblıka dańǵylyna deıin) Bókeıhan jáne Aǵybaı batyr kóshelerinde birjaqty qozǵalys engizý josparlanǵan, dep habarlady qala ákiminiń resmı saıty.
Eske salaıyq, 2016 jyldyń 28 mamyrynda jáne 11 maýsymynda tómendegi jol ýchaskelerinde «Birjaqty qozǵalys» jobasynyń eki kezeńi iske asyryldy:
- Áýezov k-si (Respýblıka dańǵylynan Á. Moldaǵulova kóshesine deıin). Ýchaskeniń uzyndyǵy - 2,9 km;
- Jeltoqsan k-si (Máskeý k-sinen Kenesary k-sine deıin). Ýchaskeniń uzyndyǵy - 2,0 km;
- Abaı dańǵyly (Saryarqa dańǵylynan Pýshkın k-sine deıin). Ýchaskeniń uzyndyǵy - 4,6 km;
- Kenesary k-si (Pýshkın k-sinen Saryarqa dańǵylyna deıin). Ýchaskeniń uzyndyǵy - 4,3 km;
- ıAnýshkevıch k-si (Abaı dańǵylynan Imanov k-sine deıin). Ýchaskeniń uzyndyǵy - 0,7 km.
«Birjaqty qozǵalys» jobasyn Astana qalasynyń jolaýshylar kóligi basqarmasy jáne Astana qalasynyń ІІD Ákimshilik polıtsııa basqarmasy birlesip iske asyrýda. Kún saıyn kóshe-jol jelisiniń jaǵdaıyna monıtorıng júrgizilip, kólik dálizderi júktemeliliginiń deńgeıi anyqtalady.
Jol polıtsııasynyń qyzmetkerleri bastapqy kezeńde kólik quraldarynyń júrgizýshilerin atalǵan ýchaskelerde jol júrý erejelerin buzǵany úshin ákimshilik jaýapkershilikke tartpaıdy. Sondaı-aq, apattardy boldyrmaý úshin Ákimshilik polıtsııa basqarmasy men Jergilikti polıtsııa qyzmetiniń ókilderi on kún boıy júrgizýshilerge birjaqty kólik qozǵalysy erejelerin túsindiredi. Ústimizdegi jyldyń 31 tamyzynan bastap aıyppul salyna bastaıdy. Aıyppul mólsheri 5 AEK quraıdy.
