Astananyń taǵy 6 kóshesine Bus Lane jolaǵy salynady
ASTANA. QazAqparat -2019 jyly Astananyń taǵy 6 ortalyq kóshesine avtobýstarǵa arnalǵan arnaıy jolaq salynady, dep habarlaıdy QazAqparat tilshisi.
«Kelesi jyly qalanyń taǵy 6 kóshesine barlyǵy 11,2 shaqyrymdy quraıtyn Bus Lane jolaǵyn salý josparlanǵan. Olar Dostyq, D.Qonaev, Túrkistan, Aqmeshit kóshelerinde, sondaı-aq arnaıy jolaqtar Saryarqa dańǵylynan K.Kúmisbekov kóshesine deıingi aralyqtaǵy Kenesary jáne Abaı kóshelerine salynady», -dedi Astana LRT Jol qozǵalysyn basqarý departamentiniń dırektory Baýyrjan Seıitov.
Onyń aıtýynsha, arnaıy jolaqtar atalǵan kóshelermen júretin avtobýstardyń ortasha jyldamdyǵyn arttyrady.
Sondaı-aq, 2019 jyly atalǵan kósheler avtobýsqa arnalǵan arnaıy jolaqtarmen qatar, bir baǵyttaǵy qozǵalys júıesine kóshedi, - dedi departament dırektory.
Foto: ALRT
