Astananyń Sýda qutqarý qyzmeti muzdyń áli tolyq qatpaǵanyn eskertip, turǵyndardy abaı bolýǵa shaqyrdy
ASTANA. QazAqparat - Astanada aýa temperatýrasynyń tómendeýinen sý qoımalarynda qalyńdyǵy 7-12 sm muz qatqan. Osyndaı muz qatý kezeńinde sý aıdyndaryndaǵy abaısyzdyqtan birqatar qaıǵyly jaıttar oryn alyp jatady. Muzdyń tolyǵymen qatýyna áli kem degende eki apta ýaqyt kerek, dep habarlady astana.kz.
Astana qalasy TJD-niń Sýda qutqarý qyzmeti durys qatpaǵan juqa muzǵa shyǵýǵa, oıyqtarǵa jaqyndaýǵa bolmaıtynyn jáne kólikpen muz aıdyndaryna shyǵý qaýipti ekenin eskertedi. «Este saqtańyzdar, muz qatý kezeńinde qaıǵyly jaıttarǵa kóbinese balalar tap bolady. Balalardyń óz betinshe ózenge barýlaryna jol bermeńizder!», delingen Astana qalasy TJD-niń Sýda qutqarý qyzmeti taratqan aqpartta.
