Astananyń sý rettegishi 3 kúnde lyq tolyp, qalaǵa qaýip tóndirýi múmkin - Qasymov
ASTANA. QazAqparat - Astananyń sý rettegishi 3 kúnde lyq tolyp, qalaǵa qaýip tóndirýi múmkin. Bul jaıynda búgin Úkimettiń selektorlyq rejimdegi otyrysynda QR Іshki ister mınıstri Qalmuhanbet Qasymov málim etti, dep habarlaıdy QazAqparat.
«Astana sý qoımasynan sý aǵyzý kólemin sekýndyna 40-tan 1 200 tekshe metrge deıin, ıaǵnı 30 esege kúrt arttyrýdyń nátıjesinde Aqmola oblysynyń Arshaly aýdanyna qarasty bir eldi mekendi sý basty. Elordany jáne qala mańyndaǵy eldi mekenderdi sý basýyna jol bermeý úshin tasqyn sýdy Astana sý rettegishine burý bastaldy. Sý rettegishke 132 mln tekshe metr sý quıyldy, shekti norma 450 mln tekshe metr», - dedi Qasymov.
Onyń sózine qaraǵanda, Astana sý rettegishine sý quıylý deńgeıiniń joǵary shegi saqtalǵan jaǵdaıda ol aldaǵy 3 kúnniń ishinde lyq tolyp, bógetti buzý qaýpi týyndaıdy.
«Osyǵan baılanysty sýdyń artyq kólemin Astana jáne Aqmola oblysynyń tómende ornalasqan eldi mekenderi arqyly qaýipsiz aǵyzý boıynsha shuǵyl sharalar qabyldaý qajet. Bul máseleni keshe jáne búgin Aýyl sharýashylyǵy mınıstrligimen, Astana qalasy ákimdigimen qarastyrdyq», - dedi mınıstr.
