Astananyń sportshylary júzýden ótken QR chempıonatynda 16 medal aldy
ASTANA. QazAqparat - Astanada júzýden Qazaqstan Respýblıkasynyń ashyq chempıonaty jáne Astana qalasynyń ashyq chempıonaty aıaqtaldy, dep habarlaıdy Astana qalasynyń mádenıet jáne sport basqarmasynyń baspasóz qyzmeti.
Týrnır 11-14 sáýir aralyǵynda «Qazaqstan» sport saraıynda ótti. Jarysqa Qazaqstannyń 13 oblysynan, sondaı-aq Almaty jáne Astana qalalarynan 18 komanda sapynda 365 sportshy (2002 j.t. jáne odan kishi) qatysty.
№4 Olımpıadalyq rezervtegi mamandandyrylǵan balalar-jasóspirimder sport mektebiniń tárbıelenýshileri respýblıkalyq chempıonatta elordanyń namysyn qorǵady. Jas sportshylar 406 ball jınap, jalpykomandalyq esepte úshinshi orynǵa taban tiredi. Elordalyqtar Qaraǵandy oblysynyń sportshylaryna (487 ball) jáne «Almaty-1» komandasyna (481 ball) ese jiberdi. Astanalyq sportshylar 4 altyn, 5 kúmis jáne 7 qola medal ıelendi.
Tórt altynnyń birin Ekaterına Bolgarskaıa (2003 j.t.) jeńip aldy. Sportshy 200 m qashyqtyqqa keshendi júzýde, sondaı-aq 400 jáne 800 m qashyqtyqqa erkin úlgide júzýde el chempıonatynda úzdik nátıje kórsetti. Erkin úlgide 100 m qashyqtyqqa júzýde ıÝlııa Demchenko (2002 j.t.) Astananyń qorjynyna taǵy da bir altyn medal saldy.
Erkin úlgide júzýde 4h100 m estafetada komandalyq jarysta qyzdar 2-oryn aldy, al 4h200 (erkin úlgi) jáne 4h100 m (biriktirilgen) estafetalarynda - eki qola júldege qol jetkizdi. Aralas komanda 4h100 m estafetasynda kúmis (biriktirilgen), al erler komandasy 4h100 m estafetasynda (erkin úlgi) qola medal jeńip aldy.
Budan basqa, ıÝlııa Demchenko «Erkin úlgide júzýden úzdik sportshy» atandy. Jalpy chempıonatta ol 1 altyn, 2 kúmis jáne 1 qola medal ıelendi.
Aıta keteıik, Astana qalasynyń №4 ORMBJSM júzýden jattyqtyrýshylar quramy Qazaqstan Respýblıkasynyń chempıonatyn uıymdastyrýǵa jáne ótkizýge belsendi túrde qatysty.
