Astananyń sport keshenderinde balalar úıleri tárbıelenýshileriniń arasynda týrnır ótedi
ASTANA. 8 jeltoqsan. QazAqparat - 9 jeltoqsanda Astanadaǵy «Velotrek» jáne «Astana-Arena» sport keshenderinde sport jáne dene shynyqtyrý isteri jónindegi agenttiginiń jaýapty hatshysy Álisher Pirmetovtiń qatysýymen shaǵyn fýtbol, voleıbol, ústel tennısi, júzý, doıby jáne kóńildi starttardan alǵashqy ret Astana qalasy balalar úıleri tárbıelenýshileriniń arasynda týrnır ótkiziledi.
Bul týraly QR sport ındýstrııasyn damytý qaýymdastyǵynyń baspasóz qyzmeti habarlady.
Uıymdastyrýshylar: QR sport jáne dene shynyqtyrý isteri jónindegi Agenttigi, QR sport ındýstrııasyn damytý jónindegi Qaýymdastyǵy.
Týrnırge «SOS Astana balalar aýyly», «№1-shi balalar úıi», «Kámeletke tolmaǵan balalarǵa arnalǵan pana» balalar úıleriniń tárbıelenýshileri (barlyǵy 100-den astam bala) qatysady
Sharanyń maqsaty: balalar úıleriniń tárbıelenýshileri arasynda sport jáne dene tárbıesin damytý. Salaýatty ómir saltyn engizýdi nasıhattaý, óskeleń urpaqtyń patrıottyq tárbıesin kúsheıtý, balalardy turaqty túrde sportpen shuǵyldanýǵa baýlý.
Týrnırdiń ashylý saltanatyna Astana qalasy Esil aýdanynyń ákimi S.S. Mustafına, Astana qalasy sport basqarmasynyń basshysy A. K. Qurǵambaeva, Astana qalasy bilim basqarmasynyń basshysy Á. T. Bımendına, balalar úıleriniń basshylyǵy, «Barys» hokkeı klýbynyń ókili Evgenıı Maslov, «Jas Otan» jáne «Bolashaq» uıymdarynyń ókilderi jáne t.b. qatysady.
