Astananyń sot ǵımaraty janynda qyzdy kólik qaǵyp ketti
ASTANA. QazAqparat - Elordadaǵy qalalyq sot mańyndaǵy jaıaý júrginshiler jolaǵynan ótpek bolǵan qyzdy avtokólik basyp ketti, dep habarlaıdy QazAqparat.
«Opel» markaly avtokóliginiń júrgizýshisi Uly Dala kóshesi jaǵynan shyǵyp, Saýran kóshesi boıymen Buqar jyraý kóshesine qaraı júrip kele jatyp, jaıaý júrginshini qaǵyp ótti. Belgili bolǵandaı, zardap shekken adam joldy belgilengen jolaq boıynsha ótpek bolǵan. 25 shildede Saýran kóshesindegi jol-kólik oqıǵasy faktisi turǵysynda polıtseıler jaýap alý sharalaryn júrgizip jatyr», - delingen Astana ІІD baspasóz qyzmetiniń málimetinde.
Túrli dene jaraqattaryn alǵan qyz qalalyq aýrýhanaǵa jatqyzyldy. Іshki ister departamentinde atap ótkendeı, tıisti materıaldar jınaqtalyp, saraptama taǵaıyndaldy. Onyń nátıjesi boıynsha protsessýaldyq sheshim qabyldanady.
