Astananyń sol jaǵalaýyndaǵy turǵyn úı kesheninde bolǵan órtten 25 adam qutqaryldy
ASTANA. QazAqparat - Astananyń Esil aýdany, «Kamal-4» turǵyn úı kesheninde bolǵan órtten 25 adam, sonyń ishinde 10 bala qutqaryldy, dep habarlaıdy QazAqparat Tótenshe jaǵdaılar komıtetiniń baspasóz qyzmetine silteme jasap.
«28 qańtar kúni 22:18-de Astananyń Buqar jyraý kóshesinde ornalasqan «Kamal-4» turǵyn úı kesheniniń úshinshi qabatynda turmystyq zattar jáne balkon órtengen. Jalyn 15 sharshy metr aýmaqty sharpyǵan», - delingen habarlamada.
Órt 22:46-da aýyzdyqtalyp, 22:58-de tolyqtaı sóndirildi. Turǵyndardyń bir bóligi qaýipsiz jerge ózderi shyqqan. Oqıǵa ornyna shuǵyl jetken órt sóndirýshiler 25 adamdy, sonyń ishinde 10 balany qutqardy. Medıtsına qyzmetkerleri zardap shekkenderge kómek kórsetti, olardyń sany anyqtalyp jatyr.
Órtti sóndirýge Astana tótenshe jaǵdaılar komıtetiniń 23 qyzmetkeri jáne 5 tehnıkasy jumyldyryldy.
