Astananyń sol jaǵalaýyndaǵy órtten 11 adam qutqaryldy
ASTANA. QazAqparat - Astana qalasynyń sol jaǵalaýyndaǵy turǵyn úı kesheni órtendi, dep habarlaıdy QazAqparat tilshisi.
«11 qańtarda saǵat 17:05-de Astana qalasy Syǵanaq kóshesindegi «Crown Plaza» turǵyn úı kesheninen órt týraly habarlama kelip tústi. Órt 4-qabattaǵy 10 sharshy metrdi sharpyǵan. Órt sóndirý kúshterimen 11 adam qutqaryldy», - dep habarlady QR ІІM Tótenshe jaǵdaılar komıtetinen.
Habarlanyp otyrǵandaı, jalyn 17:19-da aýyzdyqtalyp, 17:25-te sóndirilgen. TJK derekteri boıynsha, zardap shekkender men jaraqat alǵandar joq.
Órt ornyna Astananyń TJD órt sóndirý qyzmetiniń 17 qyzmetkeri men 4 arnaıy tehnıkasy jumyldyrylǵan.
