Astananyń sol jaǵalaýyndaǵy kóshe jabylady
ASTANA. QazAqparat - Astanada 1 qyrkúıekke deıin №24 kóshe - Turan dańǵylyndaǵy kólik qozǵalysyna jartylaı shekteý engiziledi, dep habarlaıdy QazAqparat qala ákimdiginiń saıtyna silteme jasap.
«Qalalyq Kólik jáne kólik jol-kólik ınfraurylymyn damytý basqarmasy «Qabanbaı batyr men Turan dańǵyldarynyń boıyndaǵy №24 kósheniń qurylysy» jobasyn iske asyrý aıasynda №24 kóshe men Turan dańǵylynyń qıylysynda qurylys- montaj jumystaryn bastaýdy josparlap otyr. Osyǵan oraı, 16 tamyz ben 1 qyrkúıek aralyǵynda joǵaryda atalǵan ýchaskede kólik quraldarynyń qozǵalysy jartylaı shekteledi», - delingen habarlamada.
Ákimdik elorda turǵyndary men qonaqtaryna qala joldarynda keptelis týdyrmaý maqsatynda óz qozǵalys baǵyttaryn aldyn ala josparlap alýyn suraıdy.
