Astananyń sol jaǵalaýyndaǵy birqatar úıler jaryqsyz qaldy
ASTANA. QazAqparat - Astananyń sol jaǵalaýyndaǵy Shubar shaǵyn aýdany men Qonaev pen Saraıshyq kóshelerindegi turǵyn úıler elektr jaryǵynsyz qaldy, dep habarlaıdy QazAqparat.
«Qalanyń sol jaq bóliginde qurylys jumystaryn júrgizý kezinde, jaryq beretin kabelderge zaqym kelip, saldarynan Shubar kenti men Qonaev kóshesindegi jáne sol jaǵalaýdaǵy birqatar turǵyn úıler jaryqsyz qaldy. Qazirgi kezde tótenshe jaǵdaılardy joıý maqsatynda qalanyń barlyq kommýnaldyq jáne tótenshe jaǵdaılar qyzmet ókilderi jan-jaqty jumystar jasaýda», - dedi Astana qalasy ákiminiń baspasóz hatshysy Elvıra Júrgenbaeva.
Saǵat 22.30-da berilgen aqparatqa qaraǵanda, jaryq úılerge aqyryndap berilip jatyr.
«Oqıǵa ornynda «Astana-REK» brıgadasy jumys jasaýda. Bul iri apat bolyp otyr, ol tańǵa deıin joıylady. Qazirgi kezde jaryq úılerge berile bastady», - dedi Júrgenbaeva.
Aıta keteıik, elıtaly turǵyn úılerde jaryqtyń sónip qalýy týraly turǵyndar áleýmettik jelide jarysa jazyp, jaryqsyz úılerdiń vıdeosyn jarııalaýda.
