Astananyń sol jaǵalaýynda jol jabylady
ASTANA. QazAqparat - Astananyń sol jaǵalaýyndaǵy «Shubar» shaǵyn aýdanynda kósheler jabylady, dep habarlaıdy QazAqparat Astana qalalyq ІІD baspasóz qyzmetine silteme jasap.
«Qazirgi tańda merdiger uıymdar «Shubar» shaǵyn aýdanyndaǵy jylýmen qamtamasyz etý magıstralindegi aqaýdy jóndep jatyr. Apattyq-qalpyna keltirý jumystary 27 sáýir saǵat 15.00-den 30 sáýirge deıin júrgiziledi. Osyǵan baılanysty, Araı kóshesiniń Saraıshyq kóshesinen Ǵaryshkerler kóshesine deıingi ýchaskesinde avtokólikter úshin qozǵalys tolyqtaı shekteledi», - delingen polıtsııanyń habarlamasynda.
Osyǵan oraı, júrgizýshilerden qozǵalys baǵytyn aldyn ala josparlap alýdy jáne kósheniń balamaly ýchaskelerin (Ǵaryshkerler kóshesi, Ermekov kóshesi, Taıbekov kóshesi jáne t.b.) qoldanýdy suraıdy.
