Astananyń sol jaǵalaýynda jarylǵan jylý jelisi tolyq jóndeldi

ASTANA. QazAqparat - Birneshe saǵat buryn elordanyń Máńgilik el dańǵylynda jarylǵan jylý jelisi qalpyna keltirildi. Bul týraly Astana qalasy ákimdiginiń baspasóz hatshysy Aqmaral Oljabaeva málim etti.

«Jylý jelisin qalpyna keltirý jumystary aıaqtaldy. Turǵyn úıge jylý berilip jatyr», - dedi Aqmaral Oljabaeva tilshi saýalyna oraı.

Aıta keteıik, búgin elordanyń Máńgilik el dańǵylyndaǵy jylý jelisiniń dıametri 133 mm bolatyn bóligi zaqymdalǵan edi. Saldarynan 1 turǵyn-úı kesheni jylýdan ajyratyldy. Ákimdik dereginshe, jelini qalpyna keltirý jumystaryn «Astana-Teplotranzıt» AQ-nyń jedel brıgadasy júrgizdi.