Astananyń sol jaǵalaýynda jaryqtyń ýaqytsha sóndirilýiniń sebebi belgili boldy
ASTANA. QazAqparat - Elektr qýatymen qamtý qyzmeti shaǵyn stantsııadaǵy qysqa tuıyqtalýdyń saldarynan oryn aldy. Apat tolyǵymen joıyldy, dep habarlaıdy elorda ákimdiginiń medıa ortalyǵy.
Senbi kúni Astananyń sol jaq jaǵalaýyndaǵy birqatar turǵyn úı men áleýmettik nysandarda elektr qýatymen qamtý qyzmetiniń ýaqytsha ajyratylýyna qysqa tuıyqtalý sebep bolǵan dep málimdedi elorda ákimdiginiń medıa ortalyǵyna qalalyq energetıka basqarmasynda.
«11 qarashada saǵat 12:13-te Esil aýdanynyń «Levoberejnaıa» shaǵyn stantsııasyna qarasty kabel jelilerinde oryn alǵan qysqa tuıyqtalýdyń nátıjesinde qalanyń sol jaq jaǵalaýyndaǵy birqatar nysanda elektr qýatymen qamtý qyzmeti ajyratylǵan bolatyn. Saǵat 12:27-de «Kerýen» SOO men «Izýmrýdnyı kvartal» BO aralyǵyndaǵy apatty-kabeldik jeliler ajyratyldy. Kabeldi arnada órttiń shyǵýy jónindegi aqparat kelip túsken soń, jumyskerler jedel túrde qorǵanys mınıstrligi, Ulttyq kitaphana men «Izýmrýdnyı kvartal» BO (ekinshi qýat kózi) ǵımarattaryn, sondaı-aq, «Báıterek» monýmentin elektr qýatymen qamtamasyz etetin kabeldik jelilerdi ajyratty», - dep atap ótti basqarmada.
Dál osy ýaqytta respýblıkanyń qorǵanys mınıstrliginiń qyzmetkerleri órt sóndirýshi topty shaqyrtty. Kabeldi arnada shyqqan órt saǵat 13:20-da órt sóndirý tobynyń kúshimen aýyzdyqtaldy.
«Apatty joıýǵa «Astana -AEK» AQ tehnıkasynyń 6 birligi men jóndeý jáne jedel áreket etý brıgadalary, barlyǵy 23 adam jumyldyryldy. Saǵat 18:25-te Ulttyq kitaphana, «Báıterek» monýmenti, «Izýmrýdnyı kvartal» BO jaryqpen qaıta qamtamasyz etildi. Qorǵanys mınıstrliginiń ǵımaratyna jaryq saǵat 21: 58-de berildi», - delingen habarlamada.
Apat jeksenbi kúni saǵat túngi 0:16-da tolyǵymen joıylǵan bolatyn.
