Astananyń sol jaǵalaýynda meıramhana órtendi
NUR-SULTAN. QazAqparat – Elordanyń Tótenshe jaǵdaılar departamenti «Melnıtsa» meıramhanasyndaǵy órt týraly aqparat taratty, dep habarlaıdy QazAqparat.
«6 tamyz kúni saǵat 15:09-da «101» pýltine Turan dańǵylyndaǵy 31-ǵımaratta ornalasqan «Melnıtsa» meıramhanasy órtengeni týraly habar kelip tústi. Oqıǵa ornynda Nur-Sultan qalasynyń TJ departamentiniń órt bólimsheleri baǵyttaldy. Saǵat 15:12-de «Melnıtsa» meıramhanasyna japsarlas salynǵan ǵımarattyń shatyry órtengeni anyqtaldy», - dep habarlady qalalyq TJ departamentiniń baspasóz qyzmeti.
Deparatmenttiń málimetine sáıkes, qazirgi ýaqytta órtti sóndirýge 30 órt sóndirýshi men 6 tehnıka jiberilgen.
Órt sóndirýshiler kelgenshe meıramhana ishindegi adamdar evakýatsııalanǵan.
Qosymsha aqparat taǵy habarlanady.
