Astananyń sol jaǵalaýynda 4 qurylys kompanııasy jazalandy
ASTANA. QazAqparat - Astananyń sol jaǵalaýynda 4 qurylys kompanııasy jazalandy, dep habarlaıdy QazAqparat Elordadaǵy Esil aýdany ákimdiginiń Instagramdaǵy paraqshasyna silteme jasap.
«Esil» aýdanyndaǵy qurylys alańdaryna únemi baqylaý júrgizilýde. Bul jumystyń maqsaty - qurylys nysandarynyń abattandyrý, sanıtarlyq erejeler men talaptardy ustanýy, Astana qalasy aýmaǵynda tazalyqty qamtamasyz etý jáne jınastyrýdy uıymdastyrý.
Ótken aptanyń qorytyndysy boıynsha erejeni buzǵany úshin 4 uıym ákimshilik jaýapqa tartyldy. Olar - «Órken» JShS, «Tek Resýrs» JShS, «Raıken» JShS, «China Railway» JShS. Sondaı-aq, «Sary jaılaý» JShS-ǵa eskertý berildi.
Ákimdik qurylys alańdaryn baqylaýdy Esil aýdandyq ІІB jergilikti polıtsııa qyzmetimen birge júrgizip jatyr.
