Astananyń sol jaǵalaýynan kóktem shyqqaly 45 zańsyz qoqys tastaıtyn oryn tabyldy
ASTANA. QazAqparat - Kóktem shyqqaly Astananyń Esil aýdanynan 45 sanktsııalanbaǵan qoqys tastaıtyn oryn anyqtaldy, dep habarlaıdy «QazAqparat» HAA aýdan ákimdigine silteme jasap.
Anyqtalǵan qoqys tastaıyn oryndardyń 43-i joıylǵan. Qoqystardy kómý polıgonyna 11 myń tonna qaldyqtar jetkizildi. Qalǵan eki qoqys oryndarynyń jaǵdaıy maýsym aıynyń sońyna deıin sheshiletin bolady. Tazalyq jumystaryna 3 júk salǵash mashına men 6 júk kóligi tartyldy.
Aýdannyń sanıtarlyq tazalyǵy kún saıyn baqylanyp otyrady. «Esil» aýdany ákimdiginiń qyzmetkerleri arnaıy belgilengen jerge qoqys tastaýdyń 4 jaǵdaıyn anyqtady.
Astana qalasynyń kógaldandyrý tártibin buzǵandarǵa ózderiniń qoqystaryna qaıtadan kólikterine salyp, ony arnaıy polıgonǵa aparyp tógýge májbúr boldy. Kináli azamattardyń barlyǵy «Esil» aýdanynyń jergilikti polıtsııa qyzmetkerleri tarapynan ákimshilik jaýapqa tartyldy.
