Astananyń sáýletti jerleri boıynsha áıgili londondyq ekiqabatty avtobýstar qatynaı bastady
ASTANA. 21 tamyz. QazAqparat - Búgin Astanada qalanyń sáýletti jerleri boıynsha áıgili londondyq ekiqabatty avtobýstar qatynaı bastady. Endi budan bylaı elorda qonaqtary men turǵyndary ústi ashyq kóliktermen Astananyń kórikti jerlerin sholyp shyǵa alady.
Qytaıda jasalǵan avtobýstar «Astana Baıterek» - Ortalyq alań - jańa Oqýshylar saraıy - «Jer Ana» monýmenti - Prezıdenttik mádenıet ortalyǵy - Atameken - Dýman - qalalyq saıabaq - QR Tuńǵysh Prezıdentiniń murajaıy - Araılym saıabaǵy - «Han Shatyr» kesheni - QazMedıaOrtalyǵy - «Astana Báıterek» marshrýty boıynsha qatynaıtyn bolady.
«Meniń elim» ishki týrızmdi damytý qaýymdastyǵynyń prezıdenti Gaýhar Jeńisbektiń aıtýynsha, avtobýstar Shanhaı zaýytynda jasalǵan. Ol álemniń eń úzdik avtoóndirýshilerdiń biri.
«Atalmysh joba áıgili londondyq ekiqabatty avtobýstardyń «Doubledecker» tehnologııasyn qoldanǵan. Avtobýstar «Hop-on-Hop-off» júıesi boıynsha, ıaǵnı jolaýshylardyń minip, túsýine shekteý qoıylmaıdy», - dep atap ótti G.Jeńisbek.
Bılet quny shamamen 2400 teńge bolady. Kólik jolaýshylaryna aýdıogıd qyzmet kórsetedi.
«Barlyq elderde atalǵan avtobýstardyń bılet quny 30 eýro shamasynda. Bizde azdap arzandaý. Bıletti kúni boıy qoldanýǵa bolady. ıAǵnı jolaýshylar bir táýlik boıy qala ishin aralap júre alady», - dep atap ótti ol.
Onyń sózine qaraǵanda, týrıst ózine unaǵan kez kelgen jerde avtobýstan túsip qalyp, sáýlet oryndaryn aralap, keıin kelesi avtobýspen ketip qalýyna bolady. Avtobýs marshrýttary araqashyqtyǵy 30 mınýtty quramaq.
Qazirgi ýaqytta bul Qazaqstanda qoldanysqa engizilgen alǵashqy ımıdjdik ekskýrsııalyq marshrýt bolyp sanalady. 2014 jylǵa deıin taǵy 10-ǵa tarta «Doubledecker» tehnologııasymen qurastyrylǵan avtobýstar satyp alý josparlanýda.
QazAqparat, Astana
