Astananyń saýda ortalyqtarynda aktsııa ótedi
ASTANA. QazAqparat - 7 sáýir kúni elordanyń iri saýda, oıyn-saýyq ortalyqtarynda «Qaýipsiz mektep» aktsııasy bastalady, dep habarlaıdy QazAqparat.
Astana qalalyq bilim basqarmasynyń málimetinshe, «Biz qaýipsiz qala úshin» qalalyq aktsııasy aıasyndaǵy sharaǵa Tótenshe jaǵdaılar departamenti, Investıtsııalar jáne kásipkerlikti damytý, Mádenıet jáne sport jáne ózge de organdar qoldaý kórsetip otyr.
Mundaı shara elordanyń barlyq saýda, oıyn-saýyq ortalyqtarynda ata-analar men qazaqstandyq juldyzdardyń qatysýymen 7 jáne 14 sáýir kúnderi ótedi. Birinshi aktsııa erteń saǵat 12-00-de «MEGA Silk Way», «SaryArqa» jáne «Azııa Park» saýda, oıyn-saýyq ortalyqtarynda bir mezette bastalatyn bolady. Aktsııa barysynda kishkentaı kelýshilerdiń jol qaýipsizdigi erejesin bilýlerine arnalǵan oıyndar ótkiziledi.
