Astananyń saýda núktelerine aýktsıon blokcheın arqyly ótkiziledi
ASTANA. QazAqparat - Astana əleýmettik-kəsipkerlik korporatsııasy zańsyz kásipkerlikti anyqtaý baǵytynda jasalyp jatqan jumystar týraly aıtty, dep habarlaıdy QazAqparat tilshisi.
«Zańsyz saýda jaýaýshylar týraly bizge shaǵymdar kelip túsedi, biz olardy qabyldap tıisti organdarǵa jiberemiz. Bizdiń korporatsııanyń baqylaý júrgizý quqyǵy joq. Osy oraıda, biz óz tarapymyzdan adal kəsipkerlerdi qoldaý maqsatynda osy aıdan bastap QR kod júıesin engizýdemiz. Ərbir kəsipkerde QR kody bolady. Ol Smart Astana qosymshasyndaǵy aıyryqsha júıe», - dedi «Astana əleýmettik-kásipkerlik korporatsııasy» AQ Basqarma tóraǵasy Nurlan Jaqypov.
Onyń aıtýynsha atalǵan kodtyq júıeniń negizinde qurylǵy arqyly kez kelgen adam kəsipkerdiń saýdany qanshalyqty zańdy túrde júrgizip jatqanyn bile alady.
«Osy turǵyda zańsyz saýda jasaý problemasy tsıfrlyq tehnologııaǵa kóshý məselesin sheshtik. Ókinishke qaraı, qoldanystaǵy zań baqylaýshy organdarǵa zańsyz qoıylǵan saýda núktelerin alyp tastaý quqyǵyn bermeıdi. Bir zańsyz saýdany anyqtaýǵa keminde 3 aı ýaqyt kerek. Endi biz shaǵymdanýshylardyń ótinishterine ýaqtyly jaýap berý jəne zańǵa ózgeris engizý úshin ózimizdiń usynymdarymyzdy engizýdemiz», -dedi ol.
Sonymen qatar, basqarma basshysy saýda oryndaryna aýktsıonnyń blokcheın tehnologııasy arqyly ótkizilip jatqanyn aıtty.
«Bizde kásipkerlerden qujattardy qabyldaý rəsimi onlaın júıesinde júzege asyrylady. Adamdar qaǵaz tasyp júrmeıdi. Osy arqyly oryn alýy múmkin túrli adamı faktorlardyń aldyn alsaq, odan əri aýktsıon blokcheın tehnologııasy arqyly júrgiziledi. Bul arqyly adamı faktorlardy tolyǵymen joımaqpyz»,-dep aıtyp ótti N.Jaqypov.
