Astananyń Saryarqa aýdanynda órt boldy
QazAqparat - Astananyń Saryarqa aýdanynda órt boldy, dep habarlaıdy QR ІІM Tótenshe jaǵdaılar departamenti.
«11 naýryz kúni saǵat 17-05-te Astana qalasynyń Tótenshe jaǵdaılar departamentiniń «101» nómirine Saryarqa aýdanyndaǵy Gertsen kóshesindegi jeke úıden órt shyqqany týraly habar túsken. Turǵyn úıge japsarlas salynǵan qurylys nysanynyń 70 sharshy metri janyp ketti»,-delingen TJK taratqan málimette.
Órt sóndirýshiler órtti saǵat 17-55-te aýyzdyqtap, 18-08-de tolyq sóndirdi. Zardap shekkender men mert bolǵandar joq. Órtti sóndirýge jeke quramnan 18 adam men Astana qalalyq Tótenshe jaǵdaılar departamentiniń 5 tehnıkasy jumyldyryldy.
