Astananyń revızııalyq komıssııasynyń tóraǵasy bolyp Ǵ.Moldash taǵaıyndaldy
ASTANA. 19 tamyz. QazAqparat /Gúlmıra Alıakparova/ - Astananyń revızııalyq komıssııasynyń tóraǵasy bolyp Ǵalymjan Moldash taǵaıyndaldy. Bul týraly máslıhattyń kezekten tys 68-shi sessııasynan keıin jýrnalısterge bergen suhbatynda máslıhat apparatynyń basshysy Vera Pyteva málim etti.
Onyń aıtýynsha, máslıhat sondaı-aq, revızııalyq komıssııanyń bir múshesin - Galına Sotnıkovany saılady. Onymen bir mezgilde sessııa barysynda Astana qalasy máslıhatynyń revızııalyq komıssııasyn taratý týraly sheshim qabyldandy. Endi revızııalyq komıssııa máslıhatqa esep berip otyratyn, Respýblıkalyq bıýdjettiń atqarylýyn baqylaý jónindegi Esep komıtetiniń ádistemelik basshylyǵyndaǵy memlekettik mekeme retinde jumys isteıtin bolady. Tóraǵany qosa eseptegende, revızııalyq komıssııada barlyǵy 5 adam bolady. Máslıhat komıssııa tóraǵasyn Prezıdent ákimshiliginiń kelisimi boıynsha taǵaıyndasa, komıssııa múshelerin revızııalyq komıssııa tóraǵasynyń usynysy boıynsha taǵaıyndaıdy.
