Astananyń respýblıkalyq jalpy óńirlik ónim kólemindegi úlesi 9,4 paıyzdy qurady
ASTANA. 11 qazan. QazAqparat - Astana qalasynyń 2013 jylǵy 1 jartyjyldyǵyndaǵy jalpy óńirlik ónimi 1 334513,2 mln. teńgeni qurady. Bul týraly astana.kz saıtyna qalalyq Statıstıka departamentinen habarlady.
«Astananyń JÓÓ úlesi respýblıkalyq kólemniń 9,4 paıyzyn quraıdy. Bul - Almaty qalasy (18,3%) jáne Atyraý oblysynan (12,7%) keıingi úshinshi kórsetkish»,- delingen vedomstvo aqparatynda.
JÓÓ salalyq qurylymynda ónerkásip úlesi 3,7 paıyz, qurylys 9 paıyz, jyljymaıtyn múlikpen jasalatyn operatsııalar 10,2 paıyz, kólik jáne qoımalaý 10,3 paıyz, kóterme jáne bólshek saýda, avtomobılderdi jáne mototsıklderdi jóndeý 24,1 paıyzdy, basqa da qyzmetter 42,7 paıyzdy qurady.
Jalpy óńirlik ónim Astana halqynyń jan basyna shaqqanda 1698,9 myń teńgeni qurady jáne respýblıka óńirleriniń arasynda Atyraý oblysy (3224,1 myń teńge) jáne Almaty qalasynan (1751,7 myń teńge) keıin úshinshi orynda.
