Astananyń resmı taksı kompanııalary avtobýstarǵa arnalǵan jolaqpen júrýge ruqsat suraýda
ASTANA. QazAqparat - Astananyń resmı taksı kompanııalary avtobýstarǵa arnalǵan arnaıy jolaqpen júrýge ruqsat suraýda. Bul týraly búgin Astana qalalyq kásipkerlerdi qorǵaý keńesiniń 17-shi otyrysynda qalalyq tasymaldaýshylar qaýymdastyǵynyń tóraǵasy Medet Qurmanov aıtty.
«Kelesi usynysymyz bul Bus lane. Arnaıy belgilengen jolaqty resmı taksı qyzmetiniń paıdalaný quqyǵy ádildik bolar edi. Jolǵa ketetin ýaqytty qysqartý taksı qyzmetiniń tartymdylyǵyn arttyra túsedi», - dedi ol.
Onyń sózine qaraǵanda, avtobýstarǵa arnalǵan arnaıy jolaqtarǵa taksılerdi júrgizbeý týraly sheshimniń saldarynan kóptegen taksı kompanııalarynyń kóleńkege ketýine túrtki bolady.
«Bul jolaýshylarǵa qyzmet kórsetý sapasyna olardyń qaýipsizdigine teris áser etedi. Buǵan qosa resmı taksıler jolaýshylardyń biraz bóliginen aırylyp qalýy múmkin. Al bul qala kóshelerine qosymsha júkteme bolady», - dedi qaýymdastyq tóraǵasy.
Munan bólek, ol taksılerdiń memlekettik tirkeý nómirlerin sary nemese basqa túspen belgileýdi usyndy.
«Bul tájirıbe 2002 jyldan beri Reseıde qoldanylyp keledi. Ol taksı kólikterin esepteýdi jeńildetip, olarǵa aqyly turaqtarǵa kirý quqyǵyn berer edi. Sonymen birge qadaǵalaýshy organdar tarabynan baqylaýdy da jeńildetedi», - dedi M.Qurmanov.
Aıta keterligi, qaýymdastyq tóraǵasynyń málimetterinshe, elordada resmı 8 taksı kompanııasy tirkelgen. Olarda 400 júzge jýyq taksı kólikteri bar. Al bul qala turǵyndary men qonaqtaryna tasymaldaý qyzmetin kórsetýge jetkiliksiz. Jalpy, elorda qajettigin qamtamasyz etý úshin 3 myńnan astam taksı kóligi qajet.
