Astananyń Promyshlennyı turǵyn alabynda bolǵan órttiń saldarynan 6 bala men er adam zardap shekti
ASTANA. 4 jeltoqsan. QazAqparat - Keshe saǵat 13.23-te Astanada, Promyshlennyı turǵyn alabynyń 2 qabatty 16 páterli turǵyn úıinde órt boldy.
QR TJM-niń baspasóz qyzmeti habarlaǵandaı, 1 qabatta ornalasqan páter otqa oranǵan.
Órt 20 mınýttan keıin sóndirildi. Tilsiz jaýdy aýyzdyqtaýǵa Astana qalasy boıynsha TJD órtke qarsy qyzmetiniń 26 adamy men 7 tehnıkasy, QR TJM «Apattar medıtsına ortalyǵy» MM-niń 3 adamy men 1 tehnıkasy jumyldyryldy.
Oryn alǵan órttiń saldarynan 6,5,4,2 jáne 1 jasar eki sábı, barlyǵy 6 bala men 55 jastaǵy er adam ıis tıip ýlanyp, aýrýhanaǵa jetkizildi.
