Astananyń penıtentsıarlyq júıesiniń ardagerleri «ALJIR» saıası jazalaýlar men totalıtarızm qurbandarynyń murajaı-memorıaldyq kesheninde boldy

STANA. Sáýirdiń 22-si. QazAqparat /Ǵalymjan Hasenov/ - Bas qalamyzdyń penıtentsıarlyq júıesiniń ardagerleri Astanadan 30 shaqyrym jerde ornalasqan Aqmol poselkesindegi «ALJIR» (Aqmola Otanyn satqandar áıelderiniń lageri) saıası jazalaýlar men totalıtarızm qurbandarynyń murajaı-memorıaldyq kesheninde boldy, dep habarlaıdy Astana qalasy boıynsha qylmystyq atqarý júıesi komıteti (QAJK) basqarmasynan.

Astana qalasy boıynsha QAJK basqarmasy bastyǵynyń orynbasary, ádilet polkovnıgi Ermekbaı Qojahmetovtyń aıtýynsha, bul mádenı-kópshilik shara Jeńistiń 65 jyldyǵyn merekeleý aıasynda ótip otyr.

Murajaı-memorıaldyq keshendi aralaý kezinde ardagerler «Eske alý qabyrǵasyna» gúl shoqtaryn qoıyp, ár jyldary NKVD júıesi boıynsha jazalanǵan adamdardy bir mınýt únsizdikpen eske aldy, murajaıdyń 1937-1938 jyldardaǵy saıası jazalaýdyń tarıhı materıaldarynda kórinis tapqan murajaı muraǵattarymen, jazalanǵandardyń, sondaı-aq Qazaqstanǵa aýdarylǵan halyqtar ókilderiniń tekserý isterimen tanysty.

Esterińizge sala keteıik, «ALJIR» saıası qýǵyn-súrgin jáne totalıtarızm qurbandary murajaı-memorıaldyq kesheni 2007 jylǵy mamyrdyń 31-inen bastap jumysyn bastady, onyń saltanatty ashylýyna osy tarıhı eskertkish ıdeıasynyń avtory - Memleket basshysy qatysty.