Astananyń pedagogıkalyq kolledji jabylmaıdy
ASTANA. QazAqparat - Astananyń pedagogıkalyq kolledji jabylmaıdy. Bul týraly búgin QR Ortalyq kommýnıkatsııalar qyzmetindegi brıfıngte elimizdiń Bilim jáne ǵylym vıtse-mınıstri Elmıra Sýhanberdıeva málim etti, dep habarlaıdy QazAqparat.
«Elordalyq pedagogıkalyq kolledj jergilikti ákimdiktiń qaramaǵyna kiredi. Degenmen bizge onyń jabylatyndyǵy týraly eshqandaı aqparat túsken joq. Olar eń aldymen bizge hat joldaýy tıis», - dedi vıtse-mınıstr BAQ ókilderiniń kolledjge qatysty saýalyna oraı.
Sonymen qatar Sýhanberdıeva atalǵan kolledjdi jekemenshikke berý týraly da eshqandaı aqparattyń joqtyǵyn basa aıtty.
«Búgin ákimdikten naqty málimetter surastyryp biletin bolamyn. Biraq, bizde mundaı aqparat joq», - dedi ol.
