Astananyń ótkizý beketterinde tárkilengen esirtkiniń kólemi artyp keledi
ASTANA. Qyrkúıektiń 14-i. QazAqparat /Arman Asqarov/ - Jyldyń basynan beri Astananyń «Rýbej» ótkizý beketterinde esirtki tasymaldaýdyń 80 oqıǵasy anyqtalyp, aınalymnan 55 kıládan artyq esirtki zattary shyǵaryldy. Bul týraly búgin Іshki ister departamentiniń Esirtki bıznesine qarsy kúres basqarmasynyń bastyǵy Aıasyn Baıdildaev málim etti, dep habarlaıdy QazAqparat.
Onyń aıtýynsha, osy oqıǵalarǵa qatysy bar 70 adam ákimshilik jaýapqa tartylsa, qalǵan 10-yna ǵana qalmystyq jaza qoldanyldy. Zańsyz aınalymnan 55 kıládan artyq esirtki zattary shyǵaryldy. Ótken jylda bul kórsetkish 52 kılá mańaıynda boldy.
